तरोडा नाका येथे भिषण आगीत 6 दुकाने जळून खाक

नांदेड / इसाक पठाण
नांदेड शहरातील तरोडा नाका येथे अचानक लागलेल्या आगीत सहा दुकाने जळून खाक झाली असून यात मोठी वित्तहानी झाली आहे
शुक्रवार दिनांक 13 मे रोजी दुपारी १२ : २० वाजता तरोडा नाका येथील भाग्य नगर पोलीस स्टेशन समोर गादी घर व इतर दुकानाला अचानक आग लागली. पाहता पाहता या आगीने रुद्र रूप धारण केले होते गादीघरच्या दुकानातील कापुस व रुई पसरलेली असल्यामुळे, आजुबाजुचे दुकान पत्र्याचे असल्यामुळे व लागुन असलेले दुकान हे ऑटोमोबाईल ची दुकान होती यात आईल असल्यामुळे आगीचा भडका उडाला त्यामुळे आग मोठ्या प्रमाणात पसरली होती
दुकानांना आग लागल्याची माहिती मनपा अग्निशमन दलाला मिळताच अग्निशमन दलाच्या तीन गाड्या घटनास्थळी दाखल झाल्या व जवानांनी व परिसरातील नागरिकांनी आग विझवण्याचा अटोकाट प्रयत्न केला
अग्निशमन दलाने जळालेल्या दुकानाच्या आजुबाजुला व मागच्या बाजूलाआग पसरु दिली नाही व लागलेली आग आटोक्यात आणली. आगीमुळे परिसरात सगळीकडे धूर पसरला होता
या भिषण आगीत
सेवा चिकन सेंटर ,
जय महाराष्ट्र गादीघर,
परफेक्ट इलेक्ट्रीकल,
हायटेक इलेक्ट्रीकल,
आई अनुसया ऑटो गैरेज,
बकरा चमडा दुकान अशी सहा दुकाने जळून खाक झाली सुदैवाने यात
कोणत्याही प्रकारची जिवीतहानी झाली नाही
या आगीमुळे या छोट्या व्यापार्‍यावर संकट कोसळले असून मोठ्या प्रमाणात नुकसान झाले आहे.