प्रतिनिधी | बदनापूर
निर्मल क्रीडा व समाज प्रबोधन ट्रस्टच्या वतीने बदनापूर येथील पाथ्रीकर कॅम्पसमध्ये आयोजित ‘जलसा रास दांडिया २०२६’ हा महोत्सव अत्यंत उत्साही आणि सांस्कृतिक वातावरणात संपन्न झाला. नवरात्रोत्सवाचे औचित्य साधून आयोजित या कार्यक्रमात शेकडो विद्यार्थ्यांनी दांडिया व गरब्याचा मनमुराद आनंद लुटला. या महोत्सवाचे मुख्य आकर्षण ठरलेल्या ‘डिजिटल रील’ स्पर्धेतील विजेत्यांना मान्यवरांच्या हस्ते रोख पारितोषिके देऊन गौरविण्यात आले.विद्यार्थ्यांमधील सुप्त कलागुणांना, कल्पकतेला आणि त्यांच्या डिजिटल माध्यमांतील कौशल्यांना वाव देण्याच्या उद्देशाने या विशेष रील स्पर्धेचे आयोजन संस्थेचे अध्यक्ष डॉ. देवेश पाथ्रीकर यांच्या मार्गदर्शनाखाली करण्यात आले होते. स्पर्धेत विद्यार्थ्यांनी ‘जलसा रास दांडिया २०२६’ या संकल्पनेवर आधारित एकापेक्षा एक नावीन्यपूर्ण आणि आकर्षक रील्स तयार केल्या होत्या. यामध्ये तरुणाईचा जल्लोष आणि आपली समृद्ध सांस्कृतिक परंपरा याचे सुरेख प्रतिबिंब उमटले. पाथ्रीकर कॅम्पसच्या विशाल क्रीडांगणावर सायंकाळी ६ ते मध्यरात्री १२ वाजेपर्यंत संगीत आणि दांडियाच्या तालावर संपूर्ण परिसर मंत्रमुग्ध झाला होताया सोहळ्याला संस्थेचे संस्थापक डॉ. दत्ताभाऊ पाथ्रीकर, सचिव डॉ. एम. डी. पाथ्रीकर, ट्रस्टी डॉ. एस. एस. शेख, डॉ. खान नाजमा, डॉ. सोनाली अग्रवाल, डॉ. प्रज्ञा सानप आणि इंजि. सोहा शेख यांची प्रमुख उपस्थिती होती. मान्यवरांच्या हस्ते विजेत्या विद्यार्थ्यांना सन्मानित करण्यात आले. या उपक्रमामुळे विद्यार्थ्यांना आपले कलागुण सादर करण्यासाठी एक मोठे व्यासपीठ उपलब्ध झाले असून, त्यांच्यात सांघिक भावना आणि सांस्कृतिक जाणीव वृद्धिंगत होण्यास मदत होईल, असा विश्वास यावेळी मान्यवरांनी व्यक्त केला.कार्यक्रमाचे नेटके सूत्रसंचालन डॉ. शेख एस. एफ. यांनी केले, तर उपस्थितांचे आभार मुख्याध्यापिका निशिगंधा देशमुख यांनी मानले. हा महोत्सव यशस्वी करण्यासाठी पाथ्रीकर कॅम्पसमधील शिक्षक, शिक्षकेतर कर्मचारी आणि विद्यार्थी प्रतिनिधींनी परिश्रम घेतले.या स्पर्धेतील प्रथम क्रमांकाच्या विजेत्याला दोन हजार रुपये, द्वितीय क्रमांकाच्या विजेत्याला पंधराशे रुपये, तर तृतीय क्रमांकाच्या विजेत्याला एक हजार रुपये असे पारितोषिक देण्यात आले. संस्थेचे संस्थापक डॉ. दत्ताभाऊ पाथ्रीकर, सचिव डॉ. एम. डी. पाथ्रीकर, ट्रस्टी डॉ. एस. एस. शेख, डॉ. खान नाजमा, डॉ. सोनाली अग्रवाल, डॉ. प्रज्ञा सानप आणि इंजि. सोहा शेख यांच्या हस्ते विजेत्यांना पारितोषिकांचे वितरण करण्यात आले.महोत्सवात शिस्त आणि सर्वोत्तम सादरीकरणाचे परीक्षण करण्यासाठी डॉ. परवीन अन्सारी, डॉ. अस्मिता खैरे, डॉ. जीवनज्योती निकाळजे, डॉ. जायभाये, अलका भोईटे, दीपाली खैरे, बहुरे उज्वला, शीतल तारो आणि डॉ. शेळके यांनी गरबा निरीक्षक म्हणून काम पाहिले.
