वसमत इसाक पठाण
शहरात मिलादुन्नबी (स) मोठ्या उत्साहात साजरी करण्यात आली या निमित्य शहरातून भव्य मिरवणूक काढण्यात आली या मिरवणुकीत मोठ्या संख्येने मुस्लिम बांधव सहभागी झाले होते
29 सप्टेंबर रोजी मिलादुनब्बी(स) होती परंतु या दिवशी गणेश विसर्जन असल्याने येथील मुस्लिम बांधवांनी 29 सप्टेंबर ऐवजी 1 आक्टोबरला मिलादुनब्बी स साजरी करण्याचा निर्णय घेतला.
रविवार 1आक्टोबर रोजी सकाळी शहरातील टिपू सुलतान चौक शुक्रवार पेठ येथून भव्य मिरवणूक काढण्यात आली या मिरवणुकीत अबालवृद्ध तरुण मोठ्या संख्येने उपस्थित होते धार्मिक घोषणा देत शिस्तबद्ध पद्धतीने ही मिरवणूक शहरातील मुख्य रस्त्यांवरुन मार्गक्रमण करीत झेंडा चौक येथील दर्गाह हजरत खाने आलम (रहे )येथे पोहचली या ठिकाणी मौलाना इम्तियाज बरकाती यांनी प्रेषीत हजरत मोहम्मद (स) यांच्या जीवन चरित्रावर प्रकाश टाकला.
शहरात जागोजागी विविध पक्षीय नेते व कार्यकर्त्यांनी मिरवणूकीचे स्वागत केले तसेच मुस्लिम बांधवांनी हिंदू बांधवांना पुष्प देऊन गळाभेट करून राष्ट्रीय एकात्मता व बंधुतेचे जिवंत उदाहरण प्रस्तूत केले या निमित्ताने मानवता शांती व बंधुतेचा संदेश देण्यात आला खरया अर्थाने इस्लाम म्हणजे शांती हया प्रेषीत हजरत मोहम्मद (स) यांची शिकवण प्रत्येक्षात आचरणात आणण्याचे काम या माध्यमातून करण्यात आले कमी पोलिस बंदोबस्तात भव्य मिरवणूक पार पाडण्याचे कार्य येथील मुस्लिम बांधवांनी केले.
यावेळी वसमत चे लोकप्रिय आमदार राजू नवघरे, माजी राज्यमंत्री जयप्रकाश दांडेगावकर, माजी नगराध्यक्ष अ हफीज अ रहेमान, व्यापारी वकील संघाचे अध्यक्ष रणधीर तेलगोटे, ज्येष्ठ पत्रकार चंद्रकांत देवणे, महासंघाचे अध्यक्ष सुभाष लालपोतू, प्रा गणेश कमळू आदींनी उपस्थित राहून शुभेच्छा दिल्या.
कार्यक्रमाच्या यशस्वीतेसाठी अध्यक्ष शेख अतिक महमद उस्मान(पापूलर) हाजी शेख अहमद,एकबाल भाई,सिदीक चौधरी, शेख अलीमोद्दीन, शेख युनुस पापूलर,अमजद खा(नम्मू) अड.शेख मोहसीन,महमद उमर फारुख, मोहम्मद सुफीयान,मुजीब दाऊद, युनूस पठाण, एकबाल पठाण आदिंनी परिश्रम घेतले
