फलटण /अमिर शेख
अनंत श्री विभूषित जगद्गुरु रामानंदाचार्य श्री स्वामी नरेंद्राचार्यजी महाराज यांचा पादुका दर्शन सोहळा दि.७ ऑक्टोबर २०२२ रोजी सकाळी ९ : ०० वा. पासून सजाई गार्डन लॉन्स , फलटण विंचुर्णी रोड विमानतळा शेजारी, फलटण येथे संपन्न होणार आहे. या कार्यक्रमास पश्चिम महाराष्ट्रातून हजारोंच्या संख्येने स्व – स्वरूप संप्रदायातील भक्त, शिष्य, साधक, चाहते उपस्थित राहणार आहेत.
या पादुका दर्शन सोहळ्याचे अतिशय भव्य नियोजन स्व – स्वरूप संप्रदाय मुख्यपीठ नाणीज धाम, क्षेत्र सातारा यांनी केले आहे. यामध्ये जगद्गुरु श्रींच्या सिद्ध पादुकांची फलटण शहरातून भव्य मिरवणूक काढून कार्यक्रमाच्या ठिकाणी स्वागत होईल . सिद्ध पादुकांचे कार्यक्रम ठिकाणी आगमन होईल तदनंतर सामाजिक उपक्रम अंतर्गत गरजू शेतऱ्यांना फवारणी पंपाचे वाटप मान्यवरांच्या हस्ते होईल. भक्तगणांच्या उपस्थितीत पादुका पूजन होईल. आरती सोहळा व अमृतमय प्रवचनानंतर उपासक दीक्षा दिली जाणार आहे. भाविकांना यावेळी सिद्ध पादुकांचे दर्शन घेता येईल. स्व-स्वरूप सांप्रदायाच्या वतीने महाप्रसाद दिला जाणार आहे. याचा सर्वांनी लाभ घ्यावा असे आयोजकांनी आव्हान केले आहे. त्यानंतर पुष्पवृष्टी होऊन कार्यक्रमाचे सांगता होईल.
