वसमत /इसाक पठाण
एअरगन पिस्तूल व घातक शस्त्रासह दरोड्याच्या उद्देशाने वसमत आसेगाव रोड लगत साई मंदिराजवळ अंधारात दबा धरून बसलेल्या दरोडेखोरांना शहर पोलिस ठाण्याच्या पोलिसांनी अटक केली असून पोलिसांच्या या मोठ्या कामगिरी मुळे दरोडेखोरांचे मनसुबे फेल झाले आहेत.
वसमत शहर पोलिस ठाण्याचे पोलिस निरीक्षक चंद्रशेखर कदम यांच्या नेतृत्वाखाली पोलिस उपनिरीक्षक महिपाळे , वाघमारे, शेख हकीम,संदिप जोंधळे,गुंडरे,शेख अश्फाक,राहूल राठोड आदि पोलिस कर्मचाऱ्यांचे पथक दिनांक 2 जूनच्या मध्यरात्री वसमत आसेगाव रोडवर पेट्रोलिंग करत असताना आसेगाव रोडवर असलेल्या साई मंदिराजवळ मोकळया जागेत पांच संशयीत व्यकती संशयास्पद हालचाली करताना आढळून आल्या तेव्हा पोलिस पथकाने त्यांना हटकले व विचारपूस केली असता समाधानकारक उत्तर न मिळाल्याने पोलिसांनी त्यांची अंगझळती घेतली असता त्यांच्याकडे एक एअरगन पिस्तूल,एक लोखंडी कत्ता,एक लोखंडी सुरा,नायलानची दोरी,लाल मिरची पावडर,एक लोखंडी पहार असे घातक शस्त्रे मिळुन आली दरम्यान या पांच दरोडेखोरा पैकी दोन जण अंधाराचा फायदा घेऊन पळून गेले तर तिघांना ताब्यात घेण्यात आले.
वसमत आसेगाव नांदेड रस्त्यावर रात्री नेहमी वाहनांची वर्दळ असते वसमत शहरातील व्यापारी व नागरिक खरेदीसाठी नांदेडला याच मार्गाने ये जा करतात.सामाना सोबत पैसे ही असतात सघा लग्नसराईचे दिवस असल्याने रात्री उशिरा पर्यंत दुचाकी व चारचाकी वाहने ये जा करतात कदाचित रस्त्यावर एखाद्या मोठा दरोडा टाकण्याच्या उद्देशाने हे आरोपी लपून बसले असावेत.वेळीच पोलिसांनी त्यांच्या मुसक्या आवळल्याने एक मोठा अनर्थ टळला आहे.दरोडेखोरांच्या अटकेने अनेक गुन्हे उघडकीस येण्याची शक्यता आहे
दरोडेखोरांच्या अटके मुळे नागरिकांत समाधान व्यक्त केले जात असून शहर पोलीसांचे कौतुक होत आहे
