वसमत (इसाक पठाण)
सघा परतीच्या पावसाचा जोर वाढला असून संभाव्य धोका पाहता शेतकऱ्यांनी व नागरिकांनी सतर्क राहावे असे आवाहन वसमत ग्रामीण पोलीस ठाण्याचे सहायक पोलिस निरीक्षक अनिल काचमांडे यांनी केले आहे
सध्या पावसाचा जोर वाढला आहे दोन-तीन दिवसांपूर्वी पुरसदृश्य परिस्थिती होती.आताही पावसाचा जोर ओसरला नाही सध्या मेघगर्जनेसह मुसळधार पाऊस पडत आहे
वसमत तालुक्यातील बऱ्याच गावांमध्ये जाताना नदी नाल्यावरील पुलांची उंची कमी असून पुलाच्या वरून पाणी वाहत जाण्याची परिस्तिथीत कुणीही कुठल्याही प्रकारच्या वाहनाने किंवा पायी पुल ओलांडणार नाही याची दक्षता घ्यावी तसेच जे लोक शेताला गेलेले आहेत त्यांना लवकरात लवकर गावात येण्याची सूचना द्याव्यात तसेच शक्य असल्यास फोन करून सदर लोकांना गावात येण्याची समज द्यावी अचानक अतिवृष्टी झाल्याने किंवा ढगफुटी झाल्यास त्यांना धोका निर्माण होणार नाही याची दक्षता सर्वांनी घ्यावी असेही त्यांनी सांगितले.
