फलटण / अमिर शेख
अत्यंत खडतर आणि प्रतिकूल परिस्थितीवर मात करत पूर्ण करावी लागणारी स्पर्धा म्हणून आयर्न मॅन स्पर्धेची क्रीडाविश्वात ख्याती आहे,या स्पर्धेत शारीरिक क्षमतेचा कस लागतो, क्रीडा विश्वातील अवघड समजल्या जाणाऱ्या या स्पर्धेत फलटणच्या प्रविण व्यंकटराव घोरपडे व प्रशांत बाळासाहेब जाधव या दोघांनी आर्यन मॅनचा किताब पटकावत फलटणचे नाव सुवर्णाक्षरांनी कोरले आहे.
प्रविण घोरपडे व प्रशांत जाधव या दोघांनी अतिशय मेहनतीने कित्येक किलोमीटर रनिंग,तासनतास स्विमिंग,शेकडो किलोमीटर सायकलिंग करीत तब्बल सहा महिने आयर्न मॅन होण्यासाठी मोठी मेहनत घेत गोवा येथे पार पडलेल्या या आयर्न मॅन स्पर्धेत सहभागी होत हा किताब पटकावला असून त्यांनी फलटण चे नाव सातासमुद्रापार नेले असून त्यांच्या या स्पर्धेतिल विजयाने राजकीय सामाजिक व शैक्षणिक तसेच पत्रकारिता क्षेत्रातील मान्यवरांनी अभिनंदन केले आहे.
