वसमत (इसाक पठाण)
प्रियकराने आपल्या प्रियसीची गळा दाबून हत्या केली व पकडला जाऊ नये म्हणून पुरावा नष्ट करण्याच्या उद्देशाने घटनास्थळापासून २०० किलो मीटर अंतरावर तिचा मृतदेह आणून फेकला शेवटी हिंगोली पोलीसांच्या कुशलतेने तो पकडला गेला व त्याची रवानगी पोलिस कोठडीत करण्यात आली.
दिनांक २४ डिसेंबर रोजी औंढा नागनाथ पोलीसांना माहिती मिळाली की एक स्त्री जातीचा मृतदेह वगरवाडीच्या शिवारात पडलेला आहे याची माहिती मिळताच औंढा नागनाथ पोलिस ठाण्याचे पोलिस निरीक्षक गणेश राहिरे तात्काळ पथकास घटनास्थळी दाखल झाले व पंचनामा करून मृतदेह सरकारी रुग्णालयात दाखल केले असता प्राथमिक वैद्यकीय अहवालात तिचा गळा दाबून खून झाल्याचे स्पष्ट झाले होते खून झाल्याचे उघडकीस आल्यानंतर
ही तरुणी कोण त्याची ओळख पटविणे आवश्यक होते.
ओळख पटल्यानंतरच आरोपी पर्यंत पोलिसाना पोहचणे सोपे होणार होते त्यामुळे तिची ओळख पटविण्यासाठी पोलिस प्रशासनाच्या वतीने प्रयत्न करण्यात आले घटनास्थळाचा बारकाईने तपास केला असता या ठिकाणी डी मार्ट ची पावती मिळाली यावरून पोलिसांनी तपासाची चक्रे वेगाने फिरविली असता तिची ओळख पटली ती अलका बाजीराव बेंद्रे रा.जामखेड जिल्हा अहिल्याबाई होळकर नगर (अहमदनगर) असल्याचे तपासात निष्पन्न झाले मृतदेहाची ओळख पटल्यानंतर आता आरोपी कोण याचा तपास लावणे पोलिसांसमोर आव्हान होते.पोलीस अधिक्षक श्रीकृष्ण कोकाटे यांच्या मार्गदर्शनाखाली तपास पथके आरोपीच्या शोधासाठी पाठविण्यात आली होती शेवटी पोलिसांनी तेलंगणा येथील आदिलाबाद येथून आरोपी श्रीकांत सुरेश पिनलवार रा.मुगट ता.मुदखेड जिल्हा नांदेड यास अटक केली.
पोलिस तपासात असे उघडकीस आले की अलका व श्रीकांतचे प्रेम संबंध होते परंतु दोघात खटके उडू लागले होते या वादातून श्रीकांत ने छत्रपती संभाजी नगर (औरंगाबाद) येथील लाडगाव येथे अलकाचा गळा दाबून खून केला व पुरावा नष्ट करण्याच्या उद्देशाने तिचा मृतदेह प्रवासी बॅगेत भरून २०० किलो मीटर अंतरावर असलेल्या वगरवाडी शिवारात आणून फेकला व तो पळून गेला होता
जिल्हा पोलिस अधीक्षक श्रीकृष्ण कोकाटे यांच्या मार्गदर्शनाखाली हिंगोली ग्रामीण चे उपविभागीय पोलिस अधिकारी अंबादास भुसारे, जिल्हा स्थानिक गुन्हा अन्वेषण शाखेचे पोलिस निरीक्षक विकास पाटील,सपोनि शिवसांब घेवारे, औंढा नागनाथ पोलिस ठाण्याचे पोलिस निरीक्षक गणेश राहिरे यांच्या पथकाने या गुन्ह्याचा छडा लावण्यासाठी उल्लेखनीय कामगिरी बजावली.
