बुलढाणा -देऊळगांव राजा/ अतुल महाळनकर
लोकसभा निवडणूकच्या पार्श्वभूमीवर लागू केलेली आचारसंहिता सीमा भागावर शासनाने केलेली नाकाबंदी चेक पोस्ट आणि देशा देशात वाढत असलेले संघर्ष तसेच अनेक महामार्रीचे संकट यामुळे जगातील अर्थव्यवस्था पूर्णपणे कोडमोडलेली दिसत आहे,त्यातच शेअर मार्केट मधील होणाऱ्या चढउताऱ्यामुळे चांदीच्या दरात मोठ्या प्रमाणात वाढ झाली आहे. गेल्या चार महिन्यात सोन्याच्या दरात तब्बल 70 हजार रुपये प्रति तोळ्यात (दहा ग्रॅम ) व चांदीच्या दरात वीस ते 21 हजार रुपये प्रति किलो वाढ झाली आहे आजरोजी चांदीचा दर 89 हजार रुपये प्रति किलोवर पोहोचला त्यामुळे दरातील सततच्या वाढीमुळे चांदी उद्योजक,व्यावसायिक आणि कारागीरांसमोर मोठे संकट निर्माण झाले आहे.
सोने चांदी खरेदीसाठी विदर्भातील देऊळगांव राजा चा खूप वर्षाचा इतिहास आहे मात्र सततच्या होत असलेल्या दरातील चढ उताराचा गंभीर परिणाम या व्यवसायवर झाला आहे सोने व चांदीच्या व्यवसायावर या आधी कधीही झाला नाही असा परिणाम आता जाणवत आहे. याआधी अनेक संकटे जसेकी अवकाळीचे संकट , कोरोणाचे संकट येऊन गेले तेव्हा सुद्धा या व्यवसायावर त्याचा फारसा परिणाम झाला नाही कारागिरांनी अशा बिकट परिस्थिती त्यांचा उदरनिर्वाह चालवला होता. अनेक कारागीर या व्यवसायावर आपली रोजी रोटी चालवत असून सोने-चांदीचे दर अस्थिर झाल्यामुळे ग्राहकांनी खरेदीसाठी याकडे पाठ फिरवली आहे. त्यामुळे कारागिरांच्या हाताला काम नाही आता जगायचे कसे असा यक्ष प्रश्न त्यांच्यासमोर उभा राहिला आहे.
चार महिन्यांत चांदी ६५ वरून ८६ हजारांपर्यंत
चार महिन्यांपूर्वी ६५ ते ६८ हजार रुपये असलेला चांदीचा दर आजच्या घडीला ८५ ते ८९ हजारांवर आहे. सर्वत्र मंदीचे सावट असल्याने आर्थिक संकट या चांदी उद्योगासह देऊळगांवराज शहरावर कोसळले आहे.
चांदी उद्योगाची अर्थव्यवस्था पूर्णपणे कोलमडली
चांदी व सोन्याचा दर अस्थिर असल्याने चांदी व्यवसाय पूर्णपणे मंदावलेला आहे, दागिने बनविण्यासाठी बाहेरुन येणारी चांदी, सोने बंद झाले आहे. देवीघेवीचे व्यवहार ठप्प आहेत. दरात चढ-उतार होत असल्याने खरेदी-विक्री पूर्णपणे बंद झाली आहे. तयार मालाला मागणी नसल्याने उत्पादीत माल तयार करून तसाच पडून आहे. चांदी उद्योजक, कारागीर, मजूर उपासमारीमुळे हवालदिल झाले आहेत. ज्यांच्याकडे पूर्वीचे दागिने, सोन्याचांदीची मोड आहे, अशांना दरवाढीचा फायदा होऊन जगण्यासाठी आधार मिळाला आहे. परिस्थिती बिकट झाली असून कारागीरांचे जीवन संकटात आले आहे.
गणेश चव्हाण , चांदीचे कारागिर देऊळगावराजा
