बदनापूर, जि. जालना (प्रतिनिधी)
बदनापूर तालुक्यातील शेतकऱ्यांसाठी डोकेदुखी ठरलेल्या मोटार, विद्युत वायर आणि सोलर केबल चोरीच्या टोळीला बदनापूर पोलिसांनी जेरबंद केले आहे. या कारवाईत पोलिसांनी 8 आरोपींना अटक करून तब्बल 20 लाख 14 हजार रुपयांचा मुद्देमाल जप्त केला असून 13 गुन्हे उघडकीस आणले आहेत.*काय आहे प्रकरण?*मागील काही महिन्यांपासून काजळा, पानखेडा, ढोकसाळ, रोषणगाव, हलदोला, कडेगाव, वाब्रळ, दाभाडी, डोंगरगाव, चनेगाव आणि बदनापूर शिवारात शेतातील पाण्याच्या मोटारी, MSEB च्या पोलवरील जर्मन तारा आणि सोलरच्या वायरी चोरीला जात होत्या. शेतकऱ्यांच्या तक्रारी वाढल्यानंतर पोलीस अधीक्षक श्री. तेघबीर सिंग संधू यांनी गंभीर दखल घेतली.पोलीस निरीक्षक श्री. एम. टी. सुरवसे यांच्या नेतृत्वाखाली तीन विशेष तपास पथके तयार करण्यात आली. 15 दिवसांच्या तांत्रिक तपासानंतर पोलिसांना या टोळीचा छडा लावण्यात यश आले. जप्त मुद्देमाल या कारवाईत पोलिसांनी चोरीचा माल आणि गुन्ह्यात वापरलेली दोन पिकअप वाहने असा एकूण 20,14,000 रुपयांचा मुद्देमाल जप्त केला आहे.- जप्त चोरीचा माल: 8,14,000 रुपये- दोन पिकअप वाहने: 12,00,000 रुपये*अटक केलेले आरोपी 1. दिलीप गणेश शिंदे (रा. फुलेनगर, बदनापूर)2. विकास भाऊसाहेब मांडळे (रा. मातोश्री नगर, बदनापूर)3. विजय बाबुराव पाखरे (रा. साटेनगर, अंबड)4. संतोष तुकाराम पवार (रा. शेवगा, ता. अंबड)5. अभिजीत विष्णू गारोळे (रा. नेहरूनगर, परभणी) चोरीचा माल खरेदी करणारे 6. युसुफ खान हनीफ खान (रा. काबरानगर, गारखेडा, छत्रपती संभाजीनगर)7. अब्दुल माजीद अब्दुल कादीर (रा. बदनापूर)8. चांद मीर बागवान (रा. दाभाडी)न्यायालयाने सर्व आरोपींना 5 दिवसांची पोलीस कोठडी (PCR) सुनावली आहे.*या अधिकाऱ्यांनी केली कारवाई पोलीस अधीक्षक तेघबीर सिंग संधू, अपर पोलीस अधीक्षक विक्रम साळी, उपविभागीय पोलीस अधिकारी अनंत कुलकर्णी यांच्या मार्गदर्शनाखाली पोलीस निरीक्षक एम. टी. सुरवसे, पोउपनि. कुकलारे, सफौ. इस्माईल शेख, पोहेकॉ अंकुश दासर, रंजीत मोरे, पो.कॉ. तडवी, गोलवाल, ढगे, भडांगे, रतन गोरे, देहंगळ, सानप यांनी ही कारवाई केली.या कारवाईमुळे शेतकऱ्यांमध्ये समाधानाचे वातावरण असून चोरीच्या घटनांना आळा बसणार आहे.
