तुकाराम राठोड / जालना
रविवार दिनांक 17 जुलै 2022 रोजी महाराष्ट्र राज्याचे मुख्यमंत्री एकनाथ शिंदे यांची महाराष्ट्रातील पोहरादेवी येथील बंजारा महंत शिष्टमंडळ यांच्याकडून सदिच्छा भेट घेऊन त्यांचा स्वागत सत्कार करण्यात आला.याप्रसंगी पोहरागडचे महंत कबिरदास महाराज,महंत सुनील महाराज,महंत जितु महाराज,महंत शेखर महाराज यांच्यासह बंजारा चित्रपट-निर्माता दिग्दर्शक श्री.सी.के पवार हे या शिष्टमंडळात उपस्थीत होते.मुख्यमंत्री एकनाथ शिंदे यांच्या स्वागतसत्कारानंतर बंजारा समाजाच्या मागण्या,समस्या आणि पोहरादेवीच्या विकास कामासोबतच विमुक्त जाती-जमाती तथा ओबीसीचे नेते आमदार संजय राठोड यांना महाराष्ट्र राज्य सरकारच्या मंत्रिमंडळात चांगले खाते देऊन कॅबिनेट मंत्रीपद देण्यासाठी आग्रह केला.सर्व महंतांनी आपापल्या पद्धतीने उत्तमरीत्या विषय मांडून संजय राठोड यांना मंत्रिमंडळात कॅबिनेट मंत्रीपद देणे का गरजेचे आहे हे महत्त्व पटवून दिले.एकनाथ शिंदे यांनी सुद्धा मी संजय राठोड ला मंत्रिमंडळात समावेश करून घेणार,चांगले खाते देणार आणि संजय राठोड द्वारे संपूर्ण बंजारा समाजाच्या समस्या आणि मागण्या पूर्ण करण्यासाठी प्रयत्नशील असणार असे आश्वासन तर दिलेच शिवाय मी संजय राठोड यांना सोबत घेऊन पोहरादेवी येथे दर्शनासाठी येणार आहे असे स्वतः होऊन सांगीतले.याप्रसंगी कळमनुरी चे आमदार संतोष बांगर साहेब यांनी सुद्धा बंजारा समाजाचे महत्त्व पटवून दिले.सोबतच ॲडिशनल सिओ विशाल राठोड हिंगोली आणि माणिक महाराज बांद्रा यांची सुद्धा उपस्थिती होती.महंतांच्या या शिष्टमंडळाच्या बैठकीचे नियोजन श्री.सी.के.पवार यांनी केले होते.
