गावठी पिस्टल बाळगणा-या गुन्हेगारास स्थानिक गुन्हे शाखेकडून अटक
बदनापूर / आदिल खान
जालना जिल्ह्यातील अवैध गावठी पिस्टल (अग्निशस्त्र) बाळगणा-या इसमांची माहीती घेऊन त्यांचा शोध घेऊन त्यांचेवर कार्यवाही करणेबाबत मा. पोलीस अधीक्षक डॉ. अक्षय शिंदे, मा. अपर पोलीस अधीक्षक श्री. विक्रांत देशमुख यांनी सुचना देऊन आदेशीत केले होते.
त्याअनुषंगाने पोलीस निरीक्षक श्री. सुभाष भुजंग, स्थानिक गुन्हे शाखा जालना यांनी स्टाफचे अधिकारी व अंमलदार जालना जिल्ह्यात व शहरात अवैध शस्त्रे बाळगणा-या आरोपींची माहीती घेऊन कार्यवाही करणेबाबत सुचना दिल्या होत्या. स्थानिक गुन्हे शाखेतील अधिकारी व अंमलदार अवैध गावठी पिस्टल (अग्निशस्त्र) बाळगणा-या इसमांचा शोध घेत असतांना खबऱ्यामार्फत खात्रीशीर माहिती मिळाली की, मौजे राजेवाडी ता. बदनापुर येथील सुभाष विनायक डोलारे याचे जवळ अवैध गावठी पिस्टल (अग्निशस्त्र ) असल्याची माहीती मिळाली. सदरची माहीती वरिष्ठांना कळवुन वरीष्ठांच्या सुचना व मार्गदर्शनाप्रमाणे सुभाष विनायक डोलारे रा. राजेवाडी ता.बदनापुर जिल्हा जालना यास ताब्यात घेऊन अवैध गावठी पिस्टल (अग्निशस्त्र) बाबत विचारपुस केली असता त्याने अवैध गावठी पिस्टल (अग्निशस्त्र) हे त्याचे घरामध्ये कपाटामध्ये ठेवले असल्याचे सांगितल्याने सदरचे अवैध गावठी पिस्टल (अग्निशस्त्र) त्याचे कडुन हस्तगत करण्यात आले आहे.
सदरचे. अवैध गावटी पिस्टल (अग्निशस्त्र) हे कोठुन व कोणाकडुन खरेदी केले बाबत विचारपुस केली असता त्याने सदरचे अवैध गावठी पिस्टल (अग्निशस्त्र) हे त्याचा मित्र यांचेकडुन खरेदी केल्याचे सांगितले. त्यावरुन वर नमुद दोन्ही आरोपीविरुध्द पोलीस ठाणे बदनापुर येथे पोहेकॉ / कायटे स्थागुशा, जालना यांचे फिर्यादीवरुन कलम 3/25 भारतीय हत्यार कायद्याप्रमाणे गुन्हा दाखल करण्यात आला असुन पुढील तपास बदनापुर पोलीस ठाणे करित आहे.
सदरची कार्यवाही मा. पोलीस अधीक्षक श्री. डॉ. अक्षय शिंदे व मा. अपर पोलीस अधीक्षक श्री. विक्रांत देशमुख यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री. सुभाष भुजंग, अंमलदार गोकुळसिंग कायटे, सुधीर वाघमारे, सागर बाविस्कर, दत्तात्रय वाघुंडे, रवि जाधव, कैलास चेके, योगेश सहाने महिला पोलीस अंमलदार चंद्रकला शडमल्लु यांनी केलेली आहे.
