जालना
12/12/2017 रोजी पोस्टे कदिम जालना येथे महिला फिर्यादी यांनी तक्रार दिली की, दिनांक 12/12/2017 रोजी सांयकाळी 6.00 वाजेच्या सुमारास फिर्यादीची 04 वर्षाची अल्पवयीन मुलगी तिच्या भावंडा सोबत गल्लीत खेळत असतांना आरोपी नामे विनोद विक्रम पैठणकर, वय 26 वर्ष, रा. अशोक नगर जुना जालना हा मोटार सायकलवर तेथे आला व पिडीतेस खावुचे आमिष दाखवून पिडीत मुलगी व तिच्या भावाला मोटार सायकलवर बसवुन मुक्तेश्वर तलाव परिसरात नेवुन पिडीतेच्या भावाला थोड्या अंतरावर ऊभे करुन पिडीत मुलीला पोटात बुक्याने मारहान करुन तिच्यावर बलत्कार केला, वैगेरे तक्रारी वरुन आरोपी नामे विनोद विक्रम पैठणकर याचे विरुध्द पोस्टे कदिम जालना येथे गुरनं 490/2017 कलम 376 (2) (i), 323 भादवी सह कलम 4,5 (m), 6, 8 वा.ले. अत्याचार प्रतिबंधक कायद्याप्रमाणे गुन्हा दाखल करण्यात आला होता. सदर गुन्हयात वरिल नमुद आरोपीस तत्कालीन पोउपनि/पल्लवी जाधव ने कदिम जालना यांनी अटक करुन मा. न्यायालयात पुरावे हस्तगत करून दोषारोपपत्र दाखल करण्यात आले होते.
मा. न्यायालयात सदर गुन्ह्याचे साक्षिपुरावे तपासून दोन्ही पक्षाचा युक्तीवाद ऐकुण दिनांक 27/06/2022 रोजी मा. प्रधान जिल्हा व सत्र न्यायाधीश जालना मा. श्री एन. जी. गिमेकर साहेब यांनी आरोपी विनोद विक्रम पैटणकर यास कलम 376 (2) (i). 323 भादवी सह कलम 45(m), 6, 8 वा.ले. अत्याचार प्रतिबंधक कायद्यामध्ये आरोपीस दोषी धरुन 20 वर्ष सश्रम कारावासाची व एक लाख रुपये दंडाची शिक्षा आणि दंड न भरल्यास तीन वर्ष सश्रम करावासाची शिक्षा सुनावली आहे. सदर गुन्ह्यात सरकार पक्षाच्या वतीने विशेष सरकारी वकील जयश्री बोराडे यांनी काम पाहिले.
