प्रतिनिधी:[जालना]
बंजारा समाजातील महिलांचा व मुलींचा सन म्हणजे तीज महोत्सव होय.तुकाराम राठोड(भटके विमुक्त आघाडी)तालुकाध्यक्ष जालना यांनी बंजारा बोली भाषेत तीज महोत्सव विषयी सविस्तर माहिती दिली आहेत.ते आपण पुढील प्रमाणे पाहूया,ते बंजारा बोली भाषेत म्हणाले की,आज श्रावण महीना चालू वेगो की,ये मिनाम गोरूर हरेक तांडेम तीज यी कुंवारी छोरीरो सण आचे तरती मनायेम आवच.जना अपणे नाते-गोतेरी कुंवारी छोरीन भी आपणे घर तिज पेरायेन पामणी लावच.जर तांडेम कायी सक/दक आचो बला घडगो विय तो तांडेर नायक ठेरावच क तिज पेरायरो क कोणी.परवानगी मळगीकी तांडेर कुंवरी छोरी,नायकण,डायीसाणी,याडी- भेने चोरी सोबत जंगलेंम तिज पेराये करता मकोडार धूड लेयेन जावंच.जनां नाळी,नाळी,गिद बोलच,साकी साकतर कच.धुड लयेन जावंच जना बोरेर काटाम भिने चना भी टोचच.जना
गिद कायी बोलच-बोरडीर बोर खाटे मिटे बोर ….आवगे धोरू वाळ तोड लागे बोर,मन कुण पेरायो तिज,घडीयेक रमलेद,राजा भोज पेरायो तिज घडीयेक.मारी कुंवार पणेरी तिज
घडीयेक,मारो वीरा पेरायो तिज
घडीयेक.आजी कोडे मयीन साकी-साकतर भी प्रश्न /उत्तरेम कच-छोरा-डगमग-डगमग डागळो गोरी राखे खेत,मुठी भरो हुलडा दये छोरी तारो घणोच पकोच खेत.जना इज्जतवान छोरी वोन वोर भाषाम उत्तर दच
छोरी-कचो सरा कच-कच लागे,नख लागे जीव जाय,घरधणी कोणी खादो,परदेशी कुखाय.आसे कायिक तरार साकी-साकतर कच.सांज/परभाती नायकेर घर छोरी जना घवु न पाणी जना भी गिद बोलच-तू कुनसे देसाती आयी ये सोनकी
मोहनारो दळ भिजेगो l म मेहर गडेती आयी ये सोनकी
मोहनारो दळ भिजेगो l
तू कायी-कायी सोजा लायी ये सोनकी मोहनारो दळ भिजेगो l
म तिजेरो सोजा लायीये सोनकी
मोहनारो दळ भिगेगो l म-ओलडी मंगायी हडप्पाती,म-धूड मंगायी सिंधू घाटीती,म-घवु मंगयी मोहना नगरीती,म-झुलर बलायी घणे हुसेती,असे तरती आठ दन आचे हुसेती कुंवारी छोरी चेळ करच अन शेवटी ढंबोळी करणं परभाती नंदीम वोलडी वेरयेरो करिया रच जना कुंवारे छोरी/छोरा पीडिया खोसेर रमती रमच जना भी गिद बोलच-मारे वीरा सरीको वीर पीडिया देदर-मारी भेने सरीकी भेन पीडिया देदर.यी से तिजेरो करिया तांडेर नायक,कारभारी,डायेसाणे,नायकण,कारभारण,डायीसणी,याडीभेनेर मन सनमानेती पार पाडेम आवच.आजीक भक्कम कायी वात लकतू आवच.म-मार माहितीर हासाबेती लकेर प्रयत्न किदोचू.येम कायी अधुरी /कायी माहिती रेगो विय तो सूचित करनू
