बदनापूर
बदनापूर शहरासह मागील काही दिवसांमध्ये बदनापुर तालुक्यात वाहन चोरी, जबरी चोरीचे गुन्हयात झालेली वाढ लक्षात घेता मा. पोलीस अधिक्षक साहेब, जालना यांनी सदरचे गुन्हे उघडकीस आणण्याच्या सुचना दिल्या होत्या. त्या अनुषंगाने उपविभागीय पोलीस अधिकारी, जालना यांच्या सुचनेप्रमाणे श्री. सुदाम भागवत, पोलीस निरीक्षक बदनापुर यांनी विशेष पथक स्थापन केले.
सदर पथकाने बदनापुर तालुक्यातील घडलेल्या वाहन चोरी व जबरी चोरीच्या गुन्हयांची माहिती प्राप्त केली, त्या अनुषंगाने सर्व दाखल गुन्हयातील चोरीस गेलेले घटनास्थळास भेट देवून आरोपीच्या येण्याजाणा-या मागांवरील सीसीटिव्ही फुटेज, तांत्रिक विष्लेशन तसेच गुप्त बातमीदार यांचा वापर केला. त्याआधारे वाहन चोरी मधील आरोपी बदनापुर येथे आला असल्याची माहिती मिळाल्यावरुन माहितीच्या आधारे आरोपी नामे संदीप कारभारी कोल्हे याला ताब्यात घेतले. त्याने बदनापुर येथून पोलीस स्टेशन गुरनं. 379/2023 कलम 379 मधील एक दुचाकी बजाज पल्सर 220 क्र. एमएच 21 बीपी 9392 हे त्यांचे राहते घरासमोरुन चोरुन ती गाडी त्याचा मित्र आशिष संजय कांबळे रा. बदनापुर यांच्या सोबत नेवुन त्यांचा मित्र विशाल अशोक जाधव रा. चिखलठाणा याच्या घरी नेवुन ठेवली असल्याची माहिती दिल्याने पोलीस पथकाने तिथे जावुन सदरचे वाहन जप्त केले. सदर वाहन जप्त करते वेळी त्यावर बनावट वाहन क्र. एमएच 20 बीएफ 9000 असा नंबर टाकुन ते वाहन वारपत होता.
आरोपी संदीप काल्हे याच्याकडे अधिक तपास केला असता त्याने त्याचे सहकारी मित्र आकाश गणेश ज-हाड व अभिषेक ज-हाड दोन्ही रा. बदनापूर यांचे सोबत मिळुन दिनांक 30/07/2023 रोजी रात्री 0800 वा सुमारास बाजार वाहेगांव रोडवर कुसळी शिवारात एक इसम नामे ओ कार कुलकर्णी या पानीरक कॉलेजच्या विद्यार्थ्यास रस्त्यात अडवून त्याच्या हातातील दोन अंगठया व एक विवो कंपनीचा मोबाइल असा 55000/- रुपयांचा मुद्देमाल जबरदस्तीने काढुन घेतल्याची कबुली दिली आहे. त्यावरून दोन्ही आरोपींना अटक करुन त्यांनी गुन्हयात वापरलेली मोटर बजाज पल्सर 220 विना नंबर प्लेट असलेली किंमती अंदाजे 100000/- रुपये ही सुध्दा जप्त करण्यांत आली असून सदर वाहन हे त्यांनी चोरीचे असल्याचे निष्पन्न झाले आहे. तसेच गुन्हयाचे तपासात चोरी गेलेला विवो कंपनीचा मोबाईल किमती 10000/- व एक सोन्याचा अंगठी किंमती रुपये 30000/- रुपये असा गुन्हयात जप्त करण्यांत आला आहे. इतर आरोपींचा शोध सुरु आहे.
सदर दोन गुन्हयांची उकल करून दोन मोटर सायकल किंमती अंदाजे 200000/- रुपये, एक विवो कंपनीचा मोबाईल फोन किमती अंदाजे 10000/- रुपये व एक सोन्याचा अंगठी किमती रुपये 30000/- रुपये असा एकुण 240000/- रुपयांचा मुद्देमाल जप्त करण्यांत आला आहे. सदरची कामगिरी मा. वरिष्ठांचे मार्गदर्शनाखाली पोलीस निरीक्षक श्री. सुदाम भागवत् सपोनि. श्री. जगदीश
पवार, पोउपनि श्री. बाबासाहेब खाडे, सफी/ श्री ठाकुर, पोहेकॉ 480 श्री जोनवाल, श्री. घोडके, श्री. ज-हाड, पोकों/श्री,
तडवी, श्री. शेख यांनी केली आहे.
