भोकरदनमधील ग्राहक सेवा केंद्र धारकाची १ लाख रू. ची ऑनलाईन फसवणूक करणारा आरोपी अटक, जालना सायबर पोलीसांची कामगीरी
जालना
फिर्यादी नामे श्री साईनाथ गंगाधर वाघमारे वय २९ वर्ष धंदा व्यवसाय रा. मलकापूर, ता. भोकरदन, जि. जालना यांनी सायबर पोलीस ठाणे, जालना येथे तकार दिली होती की, दि. २६/०९/२३ रोजी सायंकाळी ०४.३७ वा. ते ०५. ०० वा. दरम्यान एका अनोळखी इसम त्यांच्या ग्राहक सेवा केंद्रात आला व त्याने फिर्यादीस त्याच्या मित्रास फोनपेद्वारे पैसे पाठवायचे आहे असे सांगून फिर्यादीकडून मोबाईल क्रमांक टाकण्यासाठी मोबाईल घेऊन फिर्यादी कामात व्यस्त असल्याचा गैरफायदा घेऊन मोबाईलमध्ये १०००/ रु. ऐवजी १,०००,००/-रु. रक्कम टाकून फोनपेच्या खात्यावर स्वतःच परस्पर ऑनलाइन पाठवून फिर्यादिची ऑनलाईन फसवणूक केली म्हणून सायबर पोलीस ठाणे येथे गु र क्र. २९/२०२३ कलम ४०६, ४२० भादंविसह कलम ६६ (क) ६६ (ड) माहिती तंत्रज्ञान कायदा २००० अन्वये गुन्हा नोंद करण्यात आला होता.
सदर गुन्हयातील फिर्यादींच्या बँक स्टेटमेंटचे विश्लेषण केले असता त्यांच्या खात्यातील रक्कम युपीआयद्वारे इतर बँक खात्यात वर्ग झाल्याचे तपासात निष्पन्न झाले म्हणून संबंधित बँकेकडून खातेधारकाची माहिती मागीतली असता आरोपीने ज्या विविध बँक खात्यांत युपीआयद्वारे ऑनलाईन रक्कम वर्ग केली त्या बँक खात्यांचे व खात्याला लिंक असलेले मोबाईल क्रमांकांचे तांत्रिक विश्लेषण करून सदरचा गुन्हा हा आरोपी नामे श्री. युवराज अंबादास डगळे वय १९ वर्ष धंदा मजूरी रा.गांव/पोस्ट विळवंडी, ता. दिंडोरी जि.नाशिक याने केला असल्याचे तपासात निष्पन्न झाले. त्यानंतर सदर आरोपीचा तांत्रिक पद्धतीने शोध घेउन आरोपी भोकरदन जि.जालना येथे असल्याचे निष्पन्न झाल्यानंतर सदर आरोपीस सपोनि कामुळे, पोना. १३४७/मटि, पोशि ४९१ / भवर, पोशि ४९३ / घुशिंगे यांनी भोकरदन येथून ताब्यात घेउन अटक केले असून आरोपीकडून गुन्हयात वापरलेला मोबाईल व सिमकार्ड असा एकूण १६,००० रु. रूपयांचा मुद्देमाल जप्त करण्यात आला आहे. तसेच सदर गुन्हयातील फसवणूक केलेले १ लाख रू. रक्कम आरोपीने ऑनलाइन गेम खेळण्यात वापरली असल्याचे प्राथमिक तपासात निष्पन्न झाले आहे.
सदरची कारवाई पोलीस अधिक्षक शैलेश बलकवडे यांच्या मार्गदर्शनाखाली पोनि शालीनी नाइक, सपोनि सुरेश कासुळे, सपोनि बडते, सफौ पाटोळे, पोहक. १०८६/ राठोड, मोहक. ९४९ /बाविस्कर, पोहक. ८३६ / वाघुडे, पोना. १३४७/ मांटे, पोशि ४९३ / गुसिंगे, पोशि ४९१ / भवर व पोशि १६८० / मुरकुटे यांनी केली आहे, सायबर पोलीस ठाणेच्या वतीने सर्व नागरिकांना आवाहन करण्यात येते की, कोणत्याही अनोळखी मोबाइल कमांकावरून मेसेज लिंक, फोन क्यू आर कोड आल्यास खात्री केल्याशिवाय आपल्या बँक खात्याशी संबंधित कोणतीही माहिती व ओटीपी फोनद्वारे देऊ नये किंवा लिंकवर क्लिक/ क्यू आर कोड स्कॅन करू नये. तसेच सायबर गुन्हा घडल्यास नागरिकांनी तात्काळ हेल्प लाईन क. १९३० वर कॉल करून सायबर गुन्हयाची माहिती दयावी किंवा www.cybercrime.gov.in या ऑनलाइन पोर्टलवर तक्रार नोंदवावी किंवा सायबर पोलीस ठाणे, जालना येथे तात्काळ संपर्क करावा.
