बदनापूर
बदनापूर अंबड विधानसभा मतदार संघासाठी २० नोवेंबर रोजी मतदान होणार असून या मतदार संघातून ४० उमेदवारांचे ४५ उमेदवारी अर्ज वैध ठरले होते व ४ नोहेंबर पर्यंत उमेदवारी अर्ज मागे घेण्याची तारीख असल्याने तब्ब्ल २३ उमेदवारांनी आपले उमेदवारी अर्ज मागे घेतल्याने १७ उमेदवार निवडणूक रिंगणात आपले नशीब अजमावत आहे विशेष म्हणजे महाविकास आघाडी मध्ये बंडखोरी केलेले माजी आमदार संतोष सांबरे यांनी आपला उमेदवारी अर्ज मागे घेऊन महाविकास आघाडीला निवडून गाण्यांचा निर्धार व्यक्त केला. महायुतीचे नारायण कुचे व महाविकास आघाडीचे बबलू चौधरी असा सामना या मतदार संघातील मतदारांना तिसऱ्यांदा बघायला मिळणार असून कोण बाजी मारणार याकडे मतदारांचे लक्ष केंद्रित झाले आहे.
बदनापूर अंबड मतदार संघ अनुसूचित जाती साठी राखीव असल्याने या मतदार संघातून सर्वच पक्षाचे कार्यकर्ते इच्छुक होते त्यामुळे एका जागेसाठी ४० उमेदवारांनी अर्ज दाखल केले होते परंतु ४ नोहेंबर परयन्त २३ उमेदवारांनी उमेदवारी अर्ज मागे घेतल्याने आता १७ उमेदवार निवडणूक रीगणात आपले नशीब अजमावत आहे त्यामध्ये राजेश ओंकारराव राऊत, नाडे ज्ञानेश्वर दगडूजी, ॲड.संतोष काशिनाथ मिमरोत, सचिन विल्किसन कांबळे, बाबासाहेब हरिभाऊ खरात, गायकवाड संगीता अंकुश, संदीप आसाराम गवळी, अण्णा साईनाथ चिन्नाडोर, अदमाने दिनेश दत्तात्रय, कटके जयश्री संजय, सतीश शंकरराव खरात, मंगला चंद्रशेखर येडेकर, शैलेंद्र सुदाम मिसाळ, बबलू नेहरूलाल चौधरी, काकासाहेब बाबुराव भालेराव, कुचे नारायण तिलकचंद, चाबुकस्वार राहुल निरंजन यांचं समावेश आहे.
उमेदवारी अर्ज मागे घेण्याच्या शेवटच्या दिवशी केवळ दोन तासात २३ उमेदवारांनी माघार घेतल्याने एकंदरीत पाहता या निवडणुकीत विद्यमान आमदार नारायण कुचे व महाविकास आघाडीचे उमेदवार बबलू चौधरी यांच्यात हा सामना रंगणार असल्याचे चित्र दिसत आहे.महाविकास आघाडी मध्ये संसंतोष सांबरे यांनी बंडखोरी करून उमेदवारी अर्ज दाखल केलेला होता परंतु मातोश्रीच्या आदेशाने त्यांनी आपला उमेदवारी अर्ज मागे घेतला आहे.
