बदनापूर,
आगामी विधानसभा निवडणुक अनुषंगाने जालना जिल्हाधिकारी व पोलीस अधिक्षक यांच्या मार्गदर्शनाखाली जालना जिल्हा हाद्दीत एसएसटी पथक हे कार्यान्वित करण्यात आले असुन. त्याप्रमाणे बदनापुर पोलीस ठाणे येथील एसएसटी पथक वरूडी फाटा येथे नाकाबंदी कामी पोहेकॉ. फेरोज खान व पंचायत समिती बदनापुर येथील कर्मचारी असे नाकांबदी करून वाहन तपासणी करीत असतांना एक चार चाकी गाडीतुन दोन मुले व एक मुलगी प्रवास करीत असतांना सदर मुलगी ही अल्पवयीन दिसत असल्याने तिचे नाव गाव विचारले असता तिने राजस्थानी रहिवाशी असल्याचे सांगितले.असून सदर तरुणीविरुद्ध भारतात घुसखोरी केल्याप्रकरणी गुन्हा दाखल करण्यात आला असला तरी सोबतच्या दोन्ही मुलांना सोडून देण्यात आल्याने आश्चर्य व्यक्त केले जात आहे.
विधानसभा निवडणुकीच्या निमित्ताने वारुडी फाट्याजवळ चेक पोस्ट तैनात करण्यात आलेले आहे या ठिकाणी महामार्ग रस्त्यावरून जाणाऱ्या वाहनांची तपासणी करण्यात येत आहे, ६ नोव्हेंबर रोजी एम एच – २० बी एन ९८८ या कारची तपासणी केली असता त्या कार मध्ये एक तरुणी आणि दोन मुले आढळून आले तसेच त्या मध्ये एक स्टील चा रॉड देखील होता उपस्थित पोलीस कर्मचाऱ्याने सदर तरुणीस कागदपत्रांची मागणी केली असता तिने उडवाउडवीची उत्तरे दिली तर दोन्ही मुलांनी ती आमची बहीण आहे संभाजीनगर येथे कॉलेज मध्ये शिक्षण घेते आम्ही गावी शेगाव येथे चाललो असे उत्तर दिले ,स्वतःचे आधार दाखविण्याची मागणी पोलीस कर्मचाऱ्याने करताच त्या दोघांनी देखील आधार किंवा गाडीचे कागदपत्रे दाखवली नाही त्यामुळे पोलीस कर्मचाऱ्याचा संशय वाढला व त्यांनी बदनापूर पोलिसांना घटनेची माहिती देऊन तिघांना कार सहित हजर केले.
सुरवातीला सदर तरुणीने आपले नाव चव्हाण असल्याचे सांगितले होते व ती राहणारी राजस्थानची असल्याचे म्हंटले होते परंतु तिची भाषा हि राजस्थानी नव्हती त्यामुळे त्यांना सशंय आल्याने त्यांना पोलीस ठाण्यात आणल्यानंतर त्यावेळी त्याठिकाणी सहायक पोलीस निरीक्षक करेवाड व पोलीस स्टॉफ यांनी सदर मुलीकडे विश्वासात घेवुन विचारपुस केली.असता सदर मुलीने बागलादेशी नागरीक असल्याचे सांगितले त्यानंतर ती बागंलादेशाची रहिवासी असल्याचे खात्री केली तसेच सदर मुलीने कोणतीही वैध परवानगी न घेता व पासपोर्ट शिवाय बागंलादेशातुन भारत देशात घुसखोरी करून आल्याचे निष्पण झाले आहे.
सहायक पोलीस निरीक्षक स्नेहा करेवाड यांचे फिर्यादीवरून बांगलादेशी मुलगी जन्नतुल अख्तर काझी मुशीद(१९) हिच्या विरूध्द गुन्हा दाखल करण्यात आला असुन पुढील तपास सपोनि अविनाश राठोड करीत आहेत.
सदरची कारवाई पपोलीस अधीक्षक अजयकुमार बन्सल,अप्पर पोलीस अधिक्षक आयुष नोपाणी, उपविभागीय पोलीस अधिकारी अनंत कुलकर्णी यांचे मार्गदर्शनाखाली बदनापूर पोलीस ठाण्याचे सहाय्यक पोलीस निरीक्षक स्नेहा करेवाड,एसएसटी पथकचे पोहेकॉ. फेरोज खान व पंचायत समिती बदनापुर येथील कर्मचारी नाकाबंदी कामी असलेले कर्मचारी यांनी केली आहे.विशेष म्हणजे ज्या दोन तरुणांसोबत सदर तरुणी आढळून अली त्या दोन्ही तरुणानं पोलिसांनी सोडून दिल्याने आश्चर्य व्यक्त केले जात आहे.
