बदनापूर
निर्मल क्रीडा व समाज प्रबोधन ट्रस्टचे अध्यक्ष डॉ.देवेश पाथ्रीकर यांनी बदनापूर विधानसभा मतदार संघात मागील दोन वर्षांपासून मोफत नेत्र तपासणी व मोतीबिंदू शस्त्रक्रिया शिबिराच्या माध्यमातून सामाजिक कार्य सुरु केलेलं असल्याने मानदेऊळगाव -दगडवाडी ग्रुप ग्राम पंचायतच्या वतीने गौरव परमानपत्र व शाल श्रीफळ देऊन सत्कार करण्यात आला.
निर्मल क्रीडा व समाज प्रबोधन ट्रस्ट संचलित न्यू लाईफ केअर हॉस्पिटल बदनापूर व लायन्स नेत्र रुग्णालय चिकलठाणा यांच्या संयुक्त विद्यमाने अध्यक्ष डॉ.देवेश पाथ्रीकर यांनी मागील दोन वर्षांपासून बदनापूर अंबड विधानसभा मतदार संघात मोफत नेत्र तपासणी व मोतीबिंधु शस्त्रक्रिया शिबिराचे आयोजनास प्रारंभ केलेला आहे,या माध्यमातून गोर गरिबांना दृष्टी देण्याचे महत्वपूर्ण कार्य पाथ्रीकर कुटूंब करीत असल्याने गोर गरीबाच्या कुटुंबाला आधार मिळालेला आहे, डॉ.देवेश पाथ्रीकर करीत असलेल्या सामाजिक कार्यामुळे ग्रामीण भारताला प्रगतीचा नवा मार्ग निश्चित प्राप्त होईल असे शब्द मानदेऊळगाव -दगडवाडी ग्रुप ग्राम पंचायतचे सरपंच गणेश कदम यांनी व्यक्त करीत डॉ.पाथ्रीकर यांना गौरव प्रमाणपत्र व शाल श्रीफळ देऊन ग्रामपंचायत च्या वतीने सत्कार केला.
यावेळी उपसरपंच जगन्नाथ डोळसे ,ग्राम विकास अधिकारी विलास गायकवाड ,ह.भ.प सोमनाथ महाराज नरवाडे ,हभप शाम महाराज जाधव ,हभप जगन्नाथ पाटील,हभप कृष्णा महाराज देशमुख आदी उपस्थित होते.
